ئەردۆگان: ئەگەر رێگا لە بارهەڵگرەکان بگرین کورد لە برسا دەمرن
سەرۆک کۆماری تورکیا رەجەب تەیب ئەردۆگان ئەمڕۆ سێ شەممە تۆمەتی ''غەدر کردن''ی خستە پاڵ مەسعود بارزانی لەبەرامبەر
ئەنجامدانی ریفراندۆم و هۆشداری دایە کورد بەوەی، ئەگەر رێگا لە بارهەڵگرەکان بگرن ئەوا کورد لە برسا دەمرن.
ئەم لێدوانانەی ئەرۆدگان رۆژێک پاش ئەنجامدانی ریفراندۆم بۆ سەربەخۆیی هەرێمی کوردستان دێت و تورکیا وای دەبینێت کە ریفراندۆم دەبێتە هۆی مەترسی بۆسەر ئەمنیەتی نیشتیمانی و ترسی لەوە هەیە کە کوردەکانی تورکیاش لەدژی حکومەتی تورکیا هەڵوێست وەرگرن.
ئەردۆگان لەدرێژەی قسەکانیدا ووتی '' هەتا دوایین ساتیش پێشبینیمان نەدەکرد کە مەسعود بارزانی هەڵەیەکی لەو جۆرە ئەنجامبدات و ریفراندۆم ئەنجامبدات''.
ووتیشی '' بڕیاری ریفراندۆم بەبێ هیچ راوێژێک ئەنجامدرا و غەدر بوو''.
ئەرۆدگان لەدرێژەی قسەکانیدا هەڕەشەی ڕاگرتنی هەناردەی نەوتی هەرێمی کوردستانی کرد بۆ بەندەری جەیهان کە لەوێوە دەنێردرێتە بازاڕەکانی جیهان بەمەبەستی فرۆشتنی.
No comments:
Post a Comment